એક દોરીના જ ગુજરાતી માં કેટલા નામ !
એક દોરીના જ ગુજરાતી માં કેટલા નામ !!!!!
સામાન્ય અર્થે દોરી એટલે દોરી જ...
*પણ દોરી એટલે...*
(૧) ચામડાની દોરી - *"વાધરી"*
(૨) શણમાંથી રેસા કાઢી એ રેસામાંથી વણેલી દોરી - *"સૂતળી"*
(૩) પતંગ ચગાવવાની કાચ પાયેલી દોરી - *"માંજો"*
(૪) ગોફણની દોરી - *"પાંગરું"*
(૫) ધનુષની દોરી - *"પણછ, પ્રત્યંચા"*
(૬) પીંજણની દોરી - *"તાંત"*
(૭) વસ્ત્ર સૂકવવાની દોરી - *"ઓરવણી"*
(૮) કુંડાળામાં બળદ ફરે તે માટે બળદની નાથે બાંધેલી દોરી - *"તણી"*
(૯) સાજ ખસી ન જાય તે માટે ઘોડાની પૂંછડીમાં ભરાવવાની દોરી - *"ડૂમચી"*
(૧૦) ઘાઘરા કે લેંઘાના નેફાની દોરી - *"નાડું"*
(૧૧) શુભપ્રસંગે વપરાતી બે કે વધારે રંગોની સૂતરની દોરી - *"નાડાછડી"*
(૧૨) અંગરખું, બંડી વગેરે ભીડવાની નાની દોરી - *"કસ"*
(૧૩) ઘોડાની લગામની એક બાજુની દોરી- *"વાધિયો"*
(૧૪) કમરે પહેરાતી સૂતર કે રેશમની દોરી - *"કંદોરો, કદડો"*
(૧૫) ભમરડો ફેરવવાની દોરી - *"જાળી"*
(૧૬)પલ્લાં લટકાવવાની દોરી - *"નાથણું"*
(૧૭) નાળિયેરનાં છોડાંનાં રેસા કે તેની દોરી - *"કાથી"*
(૧૮) દોહતી વખતે ગાયને પાછલે પગે બાંધવાની દોરી - *"નોંજણું, શેલાયું"*
(૧૯) રેંટિયાના પૈડાનાં પાંખિયાં બાંધવાની દોરી - *"ડામણ"*
(૨૦) ખાટલો ભરવા વપરાતી દોરી - *"વાણ"*
(૨૧) કાપડ વણવામાં વપરાતી દોરી - *"તાણા અને વાણા"*
(૨૨) યજ્ઞોપવિત સમયે અને બળેવના દિવસે બ્રાહ્મણો ધારણ કરે તે - *"જનોઈ"*
(૨૩) મોટાભાગે, અખંડ દીવામાં વપરાતી દોરી - *"દીવેટ કે વાટ"*
(૨૪) વ્યક્તિઓના સન્માન સમયે ગળામાં પહેરાવાતી સૂતરની દોરી - *"સૂતરની આંટી"*
(૨૫) દરજીના સંચે સીવણકામ માટે વપરાય તે દોરી - *"કોકડી"*
(૨૬) અંગૂઠા અને આંગળી વડે વ્યવસ્થિતરીતે ખાસ આકારમાં લપેટાતી દોરી - *"લચ્છો કે લછ્છો"*
(૨૭) વણેલા / સીવેલા કપડાંમાંથી ખેંચાઈને બહાર આવી ગયેલ દોર કે દોરો- *"તાંતણો....."*
........👍
ટિપ્પણીઓ