અંદાજી - અંદાજિત
શબ્દો યોગ્ય રીતે પ્રયોજો...(૧૩)
---------------------------------------
(૧૬) અંદાજી - અંદાજિત
---------------------------------
'અંદાજી' એ 'અંદાજ' પરથી બનેલું વિશેષણ છે. તેનો અર્થ ' અંદાજ પરથી નક્કી કરેલું', '
'અંદાજ દર્શાવતું' થાય છે.
'અંદાજિત' જેવો કોઈ શબ્દ જ નથી. પરંતુ સામાન્ય રીતે સંસ્કૃત તત્સમ શબ્દોને 'ઇત' પ્રત્યય લગાડીને વિશેષણ બનાવાતું હોય છે. તેથી એવા જ ભ્રમમાં રહીને આ ફારસી શબ્દને 'ઇત' પ્રત્યય લગાડવામાં આવે છે.
દા. ત.
--------
આ યોજનાના અંદાજી ખર્ચની વિગતો જણાવશો.
(અહીં 'અંદાજિત' ખર્ચ ન લખાય.)
જોકે રતિલાલ સાં. નાયક રચિત 'મોટો કોશ' માં અંદાજિત શબ્દ સ્વીકારાયેલો છે, પણ 'સાર્થ જોડણીકોશ'માં સ્વીકારાયેલો નથી.
(૧૭) સંગૃહીત - સંગ્રહિત
---------------------------------
'સંગૃહીત' 'सम् + ग्रह्' પરથી બનેલું વિશેષણ છે. તેનો અર્થ - સંગ્રહ કરેલું - થાય છે. આ સંસ્કૃત શબ્દ છે અને સામાન્ય રીતે ગુજરાતીમાં એનો ઉપયોગ થતો નથી.
'સંગ્રહિત' જેવો કોઈ શબ્દ જ નથી. પરંતુ 'સંગ્રહ' શબ્દને 'ઇત' પ્રત્યય લગાડીને 'સંગ્રહ કરેલું'ના અર્થમાં 'સંગ્રહિત' શબ્દ ખોટી રીતે વાપરવામાં આવે છે.
દા. ત.
--------
'સંગ્રહિત અનાજમાં જીવાત પડી' - આ રીતે ન લખાય. પરંતુ - 'સંગ્રહ કરેલા અનાજમાં જીવાત પડી' - એમ લખાય.
સૌજન્ય :
------------
ભાષાગૌરવ
ભાષા નિયામકની કચેરી
ગુજરાત રાજ્ય
(ક્રમશઃ)
પ્રસ્તુતિ :
-----------
હર્ષદ પ્ર. શાહ
ઉપાધ્યક્ષ
માતૃભાષા ગૌરવ પ્રતિષ્ઠાન
સંપર્ક : ૯૯૭૯૮૪૧૬૫૦
બારડોલી
ટિપ્પણીઓ